Cui che o sin
La Societât Sportive, che e à vût tant che prin president Angelo Cordioli, e je nassude in maniere uficiâl ai 2 di Setembar dal 1962 e di simpri si ocupe de formazion sportive dai zovins che a son a stâ soredut tal comun di Sedean.
A son diviersis categoriis indulà che i fruts a vegnin metûts: Piccoli Amici dai sîs ai vot agns, Pulcini dai vot ai dîs agns, Esordienti dai dôs ai dodis agns, Giovanissimi e Allievi dai dodis ai sedis agns (in chestis dôs categoriis la Societât Sportive e colabore cu la Societât di Merêt di Tombe). Lis scuadris plui in alt che a difindis i colôrs sociâi a son chê dai Juniores, dai sedis ai disevot agns e la Prima Squadra, chest an iscrite al campionât di 2° Categorie.
Par fâ funzionâ la machine organizative de Societât si gjolt de colaborazion, a varis nivei, di une cincuantine di personis sù par jù jenfri dirigjents, chei che a acompagnin i fruts, alenadôrs, magazinîrs, int par netâ e par fâ la manutenzion.
Il president atuâl al è Francesco Pozzo; il responsabil dal setôr dai zovins al è Maurizio Pasqualini e chel di introduzion dai fruts al zûc dal balon al è Luigi Agnoletti.
Il fin principâl de Societât Sportive al è chel di judâ la cressite dai fantats no dome dal pont di viste sportîf ma soredut dal pont di viste uman.
