Cui che o sin
Fondade il mês di Avrîl dal 1987, e je rivade a vê fintremai 195 iscrizions. Cemût che al sucêt par iniziativis avuâls che a son nassudis un pôc par dut par ufrî rispuestis e par cjapâ dentri personis che a àn voie di vê plui cognossincis, la Universitât si indrece no dome a chei che a son bielzà in pension. Di fat e met adun cors di divulgazion e di aprofondiments, cence dismenteâ lis ativitâts manuâls par rivâ a vê une abilitât utile, cussì dongje dai laboratoris di Ricam, di Cusî, di Piture, di Intai e di Cusine, si cjatin ancje i cors di Storie di Lenghe furlane, di Informatiche, di Lenghis forestis, e v.i.
Il Consei diretîf al è fat di: Di Lenarda professôr Pier Giuseppe (president), Battiston Antonietta, Bressani Gloria, Giavitto Carla, Girotto Maddalena, Martin Daniela, Vit Giuseppe, Vit Vittorina, Zappetti Goretta.
