Cui che o sin
Fondade tal 1948, e met dongje 14 components. Il plevan pre Gino Zuliani al de vite tal imprin a doi grups separâts, un fat di oms e un fat di feminis, lant daûr a chê che e jere la tradizion locâl di une volte. Tai ultins agns '60 i doi grups si son zontâts un cun chel altri intune uniche realtât che e à continuât a proponisi sui palcs de nestre Regjon, metint in sene soredut comedis, sedi par talian che par furlan, e otignint par dut un grant sucès e cetancj preseaments.
I components atuâi a son: Angioletta Mezzavilla, Anna Pighin, Bruna Porfido, Maria Teresa Prez, Gloria Ros, Adelino Venier, Andrea Venier, Daniele Venier, Fabiola Venier, Giacinto Venier, Marco Venier, Serena Venier e William Venier.
Dai agns '90 la Compagnie e à inzornât il so repertori, sielzint di privilegjiâ la lenghe furlane e adatant in cheste lenghe oparis di divierse provenience. Tes ultimis jessudis a son stadis metudis in sene La Locandiera, No è vere ch'i soi incinte...papà, 20 milions e un cjamp a rosis.