Cui che o sin
Il côr "Voci Libere” al è nassût tal 1998, cu la voie di dâ dongje diviersis comunitâts par animâ in maniere gnove lis liturgjiis, puartant il spirt vîf dai zovins.
Il côr al è fat di une trentine di elements e al cjape dentri fruts, fantats e grancj che a rivin de diviersis frazions dal comun: San Lurinç, Rivis, Grions e Grediscje.
Al propon un repertori une vore svariât, che al va dai cjants dal Gen Rosso e dal Gen Verde, fintremai ai gospel americans; cun di plui di vê acompagnât cul cjant lis Santis Messis durant lis fiestis liturgjichis tradizionâls, al à animât numerôs batisims e gnocis, cence dismenteâ lis veis di preiere e al cjape part ogni an aes rassegnis corâls dal Comun di Sedean.
