SÎS APONTAMENTS TAL CARTELON JENFRI NOVEMBAR 2013 E MARÇ 2014
Il sipari si vierzarà ai 16 di Novembar cui Trigeminus
CAMPAGNE ABONAMENTS
Li de Biblioteche Comunâl,
dai 22 di Otubar ai 29 di Otubar dal 2013: slungjâ i abonaments
dai 5 di Novembar ai 12 di Novembar dal 2013: si fasin i gnûfs abonaments
martars e vinars des 3 aes 5 dopomisdì,
sabide des 10 a misdì
Abonament par 6 spetacui: € 50
I biliets a son a vendi prime
In Teatri, il dì prime dal spetacul des 5 aes 7 di sere
Il dì dal spetacul scomençant des 5 dopomisdì
Prenotazion biliets a scomençâ dai 14 di Dicembar
Segretarie comunâl il sabide de setemane prime dal spetacul des 9.30 aes 12.30 (tel. 0432 915520)
Segretarie comunâl il lunis dopomisdì de setemane dal spetacul des 4.30 aes 6.00 dopomisdì (tel 0432 915519)
Biblioteche civiche il martars dopomisdì de setemane dal spetacul 4.30 aes 6.00 dopomisdì (tel. 0432 915533)
In Teatri, il dì prime dal spetacul des 5 aes 7 di sere
Il dì dal spetacul scomençant des 5 dopomisdì
Biliets
Intîr € 12
Ridot Sot i 18 agns e parsore i 65 agns € 10
Par INFO:
Teatri tel 0432 915047
Ufici istruzion e culture tel 0432 915529
Ufici segretarie tel 0432 915519
Biblioteche Civiche tel. 0432 915533
biblioteca@com-sedegliano.regione.fvg.it
La Aministrazion Comunâl di Sedean, viodûts i risultâts une vore positîfs de prime stagjon teatrâl che e je stade un vêr sucès, e à decidût di impegnâsi par tornâ a meti in pîts une altre stagjon teatrâl, confermant 6 apontaments, cu la sperance che l'agrât de prime stagjon si confermi e si rinfuarci ancje chest an.
L'investiment, a dispiet de penurie economiche di belanç che i Comuns a patissin dilunc chescj timps, al è stimât fondamentâl di bande de Aministrazion. La culture e il spirt di agregazion che si respire dentri dal Teatri Plinio Clabassi a deventin dai fatôrs che a moltiplichin lis ideis creativis e chês positivis e il Comun di Sedean al crôt pardabon in chest.
Tantis a son bielzà lis domandis di informazions, e chest, duncje al è un segnâl di un interès vîf.
Ancje chest an la stagjon teatrâl e ven realizade in colaborazion cul ERT (Ent Regjonâl Teatrâl dal Friûl Vignesie Julie), sogjet che si caraterize pe grande professionalitât e pe esperience e che pe campagne 2013/2014 al starà daûr a 22 cartelons dal teritori regjonâl.
La conference stampe in forme di spetacul e vignarà fate la ultime setemane di Otubar par presentâ al public il program intai particolârs. Cheste iniziative si tignarà in orari serâl li dal Teatri Plinio Clabassi e sarà vierte a ducj. In cheste ocasion a vignaran sclarîs ancje i gjenars e lis sieltis fatis ancje tignint cont des indicazions dal public clamât a intervignî par mieç di un cuestionari distribuît durant lis seradis de stagjon teatrâl precedente. Une grande colaborazion in chest sens e je stade dade di Elvio Scruzzi dal Teatro Incerto che, cun cetante disponibilitât e passion, e à ufiert une schirie di sugjeriments valevui pe sielte dai apontament.
La campagne abonaments e cjaparà il vie martars ai 22 di Otubar e in cheste prime part si podarà confermâ i abonaments de stagjon precedente. Dai 5 ai 12 di Novembar al ven lassât il spazi pai gnûfs abonâts. La campagne abonaments e vignarà regjistrade li de Biblioteche Civiche (martars e vinars des 3 dopomisdì aes 5 di sere e sabide des 10 di buinore a misdì). In curt l'ERT e metarà adun un sfueiut cun ducj i spetacui e cu la descrizion di chescj.
Intant a van indenant lis iniziativis e i events dentri dal Teatri Plinio Clabassi, che in chescj 15 mês di vierzidure, de scree dal mês di Mai dal 2012, al à viodût la realizazion no dome des iniziativis inmaneadis de Aministrazion Comunâl ma al è stât doprât ancje di bande des associazions di Sedean e di numerosis realtâts di fûr dal Comun, segnâl chest che la fame dal gnûf teatri, insiorât di imprescj modernis e di un palc di grandis dimensions, e à superât i confins dal nestri paîs.
Par informazions: Biblioteche di Sedean tel. 0432 915529, biblioteca@com-sedegliano.regione.fvg.it. Dutis lis informazions su la stagjon si cjatin tal sît www.ertfvg.it.
