Riservatece dai dâts

Il Comun di Sedean al garantìs che il trataments dai dâts - sedi chei che a vegnin cjapâts sù par mieç de pueste eletroniche o par mieç di modui eletronics, o in altris mûts - al vegni fat secont di ce che e proviôt la normative in materie di protezion dai dâts personâi. 

Cheste sezion dal sît e à tant che obietîf chel di segnalâ cualis che a son lis politichis dal Comun di Sedean inte suaze dal tratament dai dâts personâi racuelts vie pe navigazion dal sît internet uficiâl dal Ent e dai portâi che al gjestìs, cence dismenteâsi dai dâts che a vegnin racuelts par telefon dai dipendents comunâi.

Daûr dal art.13 dal D.Lgs. 196/2003 (Codiç in materie di protezion dai dâts personâi) il Comun di Sedean, tant che titolâr dal tratament dai dâts personâi, al comuniche che:

  1. i dâts personâi, racuelts tal plen rispiet dai principis dal D.Lgs. 196/2003, a vegnin doprâts dome pal davuelziment dai servizis domandâts tal www.comune.sedegliano.ud.it inte suaze dai fins istituzionâi dal Ent;
  2. il tratament dai dâts al ven fat par mieç di proceduris informatichis e telematichis che a son buinis di tutelâ e di garantî la riservatece dai dâts furnîts e ridusi cussì al minim il pericul che al ven di acès abusîfs, di robariis o di disniçaments dai dâts stes, daûr ce che al stabilìs l'art. 31 e chei che a vegnin daspò dal D.Lgs. 196/2003 e dal alegât B dal decret stes;
  3. se i dâts personâi considerâts obligatoris no vegnin furnîts, la erogazion dal servizi no podarà jessi fate;
  4. il Responsabil dal tratament al è il Comun di Sedean, Vie XXIV Mai, 2 33039- Sedean (UD).